Jizzax davlat pedagogika universitetida 16-oktabr kuni Tibbiyot fakulteti bitiruvchilari, ish beruvchilar va hamkor tashkilotlar vakillari ishtirokida uchrashuv va seminar tashkil etildi.

Unda Jizzax viloyati sog‘liqni saqlash boshqarmasi boshlig‘i Mahmarasul Umarov, tumanlar sog‘liqni saqlash bo‘limlari rahbarlari hamda «O‘zmilliybank» AJning «Kelajakka qadam» dasturi mas’uli Orzubek Ergashev qatnashdi.

Uchrashuvda viloyat tibbiyot muassasalaridagi 500 dan ortiq bo‘sh ish o‘rni, bitiruvchilarni mutaxassisligiga mos ishga joylashtirish va yosh mutaxassislarni qo‘llab-quvvatlash masalalari muhokama qilindi.

Shuningdek, bitiruvchilarga «Kelajakka qadam» dasturi orqali tadbirkorlikni boshlash va biznes loyihalarni amalga oshirish imkoniyatlari tushuntirildi.

Tadbir yakunida bitiruvchilar bandligini ta’minlash va ish beruvchilar bilan hamkorlikni rivojlantirish bo‘yicha fikr almashildi.