Prezidentimiz tashabbusi bilan mamlakatimizda ilk bor tashkil etilgan mazkur olimpiadada respublikadagi 200 dan ortiq oliy ta’lim muassasasi ishtirok etgan bo‘lib, saralash bosqichlari yakunlariga ko‘ra 79 ta oliy ta’lim muassasasi respublika bosqichiga yo‘llanmani qo‘lga kiritdi.

Ta’kidlash joizki, Jizzax davlat pedagogika universiteti mazkur musobaqalarning hududiy bosqichida yuqori natijalarni qayd etib, respublika bosqichiga yo‘l olgan 115 nafar talaba bilan ishtirok etayotgan yetakchi jamoalardan biri hisoblanadi.

Tantanali marosimda ishtirokchi talabalarga yuksak ishonch bildirilib, universitet va viloyatimiz sharafini munosib himoya qilish, yuqori natijalarga erishish bo‘yicha ezgu tilaklar bildirildi.