2025-yil 24-sentabr kuni Toshkent shahridagi “Yangi O‘zbekiston bog‘i”da “Talaba-yugur” ommaviy yugurish musobaqasining bahorgi mavsumi respublika final bosqichi bo‘lib o‘tdi.

Mazkur musobaqada Jizzax davlat pedagogika universiteti Jismoniy tarbiya va sport fakulteti talabalari faol ishtirok etib, yuqori natijalarga erishdilar. Fakultet talabasi Abduqayumov Shahobiddin yigitlar o‘rtasida 1-o‘rinni egalladi, qizlar bahsida esa Xayrullayeva Feruza 3-o‘rinni qo‘lga kiritdi.

Umumiy hisobda Jizzax davlat pedagogika universiteti talabalari respublika bosqichida 1 ta oltin va 1 ta bronza medal bilan munosib ishtirok etdi.