Jizzax davlat pedagogika universitetida O‘zLiDeP Jizzax viloyat hududiy partiya tashkiloti “Yoshlar qanoti” guruhi tomonidan talaba yoshlar bilan ochiq muloqot tashkil etildi.
Ochiq muloqot davomida, partiya xodimlari va deputatlar “Yoshlar va biznesni qo‘llab-quvvatlash yili” Davlat dasturi ijrosini ta’minlash borasida amalga oshirilayotgan ishlar, unda yetakchi siyosiy kuch – O‘zLiDeP faollarining ishtiroki haqida batafsil ma’lumot berib o‘tishdi.
So‘ngra ta’lim sohasidagi o‘zgarish va yangiliklar, jumladan, bitiruvchilar bandligini ta’minlash borasidagi yutuq va kamchiliklar atroflicha muhokama qilindi.
Ochiq muloqot davomida partiya faollari va deputatlar talaba yoshlarni qiziqtirgan barcha savollarga atroflicha javob berib o‘tdilar.
Tadbirda O‘zLiDeP Siyosiy Kengashi Ijroiya qo‘mitasi Yoshlar bilan ishlash bo‘limi mudiri Otabek Sobitov, viloyat hududiy partiya tashkiloti raisining birinchi o‘rinbosari – apparat rahbari Sherzod Mamatqulovlar ishtirok etishdi.
