Qoraqalpog‘iston Respublikasi — Jizzax davlat pedagogika universiteti talabasi Baxtiyorova Sevinch hozirda «Yoshlar va iqlim» xalqaro festivalida faol ishtirok etmoqda. Ushbu nufuzli tadbirda u o‘zining innovatsion loyihasi — «Eko Izquvar» mobil ilovasi orqali ishtirok etmoqda.

«Yoshlar va iqlim» festivali ekologik barqarorlik, yashil g‘oyalar va iqlim o‘zgarishiga qarshi yoshlarning faolligini oshirish maqsadida tashkil etilgan. Tadbir doirasida ishtirokchilar o‘z loyihalari, startap va tashabbuslari bilan tanishtirish imkoniyatiga ega bo‘ldilar.

Baxtiyorova Sevinch tomonidan ishlab chiqilgan «Eko Izquvar» ilova atrof-muhit muhofazasiga qaratilgan ekotarg‘ibot, chiqindilarni saralash va qayta ishlash madaniyatini yoshlar o‘rtasida keng targ‘ib qilishga xizmat qiladi.

Universitetimiz talabasining mazkur xalqaro maydonda ishtirok etishi JDPUdagi ta’lim va innovatsiyaning yuqori darajasidan dalolat beradi. Shuningdek, ushbu muvaffaqiyat yosh avlodning iqlim muammolariga nisbatan ongli munosabatini shakllantirishda muhim qadam hisoblanadi.