JDPU o‘quv ishlari bo‘yicha prorektori litsey pedagoglar bilan uchrashdi.

Universitet prorektori Furqat Jo‘raqulov ishtirokida Sayiljoy akademik litseyida uchrashuv tashkil etildi. Litsey pedagog-xodimlari ishtirokida bo‘lib o‘tgan uchrashuvda ta’lim jarayonidagi dolzarb masalalar xususida so‘z bordi. Xususan, pedagoglarning o‘z ustida mustaqil ishlashi, ilg‘or pedagogik texnologiyalarni dars jarayonlarida qo‘llash hamda o‘quvchilar bilan ishlashda yuzaga kelayotgan vaziyatlar haqida fikr almashildi. Kunning ikkinchi yarmida universitet prorektori ishtirokida bitiruvchi sinf o‘quvchilari bilan ham davra suhbati tashkil etildi. O‘quvchilar bilan bo‘lgan yuzma-yuz muloqot davomida universitetda mavjud fakultetlar, o‘quv jarayonlarining olib borilishi, xalqaro hamkorlik aloqalari hamda ilmiy-tadqiqot faoliyatlari haqidagi batafsil ma’lumotlar berildi.