Jizzax davlat pedagogika universiteti Aniq fanlar fakulteti “Axborot texnologiyalari va tizimlari” kafedrasi o‘qituvchilari joriy yilning 23–26-sentyabr kunlari Raqamli texnologiyalar vazirligi tomonidan Toshkent shahridagi “CAEx Uzbekistan” kompleksida tashkil etilgan “ICTWEEK Uzbekistan-2025” axborot-kommunikatsiya texnologiyalari haftaligi doirasidagi “AI in Digital Education: From Vision to Impact (G‘oyadan natijagacha)” forumida faol ishtirok etmoqda.

Ushbu nufuzli forumda sun’iy intellekt texnologiyalarini ta’lim jarayoniga samarali tatbiq etish, zamonaviy ta’lim talablari hamda kelajak kasblari uchun zarur bo‘lgan ko‘nikmalarni shakllantirish masalalari muhokama qilinmoqda. Shu bilan birga, ishtirokchilar ilg‘or xorijiy tajribalar, raqamli ta’limdagi yangi tendensiyalar va innovatsion yechimlar bilan tanishish imkoniyatiga ega bo‘ldilar.

Forum doirasida o‘qituvchilar nafaqat bilim va tajribalarini boyitish, balki ta’lim jarayonini raqamlashtirish, yangi pedagogik yondashuvlarni joriy etish hamda zamonaviy raqamli muhitda samarali ishlash borasida qator g‘oyalar va amaliy tavsiyalarga ega bo‘lmoqdalar.