JDPU Kengashining 5-sonli majlisi bo‘lib o‘tdi. – Abdulla Qodiriy nomidagi Jizzax davlat pedagogika universiteti

Bosh sahifa
Yangiliklar
JDPU Kengashining 5-sonli majlisi bo‘lib o‘tdi.

Yangiliklar

27/12/2025

Chop etish

JDPU Kengashining 5-sonli majlisi bo‘lib o‘tdi.

Abdulla Qodiriy nomidagi Jizzax davlat pedagogika universiteti Kengashining 5-sonli majlisi tantanali taqdirlash marosimi bilan boshlandi.

Unda universitet rektori Maksudjan Yuldashev O‘zbekiston Respublikasi Oliy ta’lim, fan va innovatsiyalar vazirligi huzuridagi Oliy attestatsiya komissiyasi tomonidan ilmiy daraja va unvonlarga ega bo‘lgan 20 nafardan ziyod pedagog-xodimlarga attestatlarni topshirdi.

Shundan so‘ng majlis kun tartibiga muvofiq asosiy masalalar muhokama qilindi. Jumladan, O‘zbekiston Respublikasi Prezidenti Sh.M. Mirziyoyevning Oliy Majlisga yo‘llagan Murojaatnomasida belgilangan vazifalar ijrosi, 2025-yilda universitetda amalga oshirilgan ishlar hamda 2026-yilga mo‘ljallangan ustuvor vazifalar xususida axborot berildi.

Majlisda 2025/2026 o‘quv yili birinchi yarim yilligida yoshlar masalalari va ma’naviy-ma’rifiy ishlar, ta’lim sifatini oshirish, pedagog-xodimlar malakasini yuksaltirish, ilmiy-innovatsion faoliyatni rivojlantirish bo‘yicha amalga oshirilgan ishlar tahlil qilindi. Shuningdek, universitetning xalqaro reytinglardagi natijalari ham ko‘rib chiqildi.

Kengash a’zolari tomonidan 2026-yilning 6–10-yanvar kunlari malaka oshirish kurslarini tashkil etish, universitetni raqamlashtirish va sun’iy intellektni joriy etish bo‘yicha rektor maslahatchisi lavozimini ta’sis etish, “Nuroniylar kengashi” faoliyatini yo‘lga qo‘yish masalalari ma’qullandi.

Shu bilan birga, dotsent ilmiy unvoniga tavsiya etish, darslik va o‘quv qo‘llanmalarni tegishli kengashlarga taqdim etish, universitetning yangilangan tashkiliy tuzilmasini tasdiqlash hamda talabalar o‘rtasida “Zakovat” intellektual musobaqalariga tizimli tayyorgarlik ko‘rish yuzasidan qarorlar qabul qilindi.

Boshqa rubrikalarda mashhur

Barcha Rubrikalar

JDPU rektori “Ziyokor” qizlar va o‘g‘il bolalar basketbol jamoasi a’zolari bilan uchrashuv o‘tkazdi.

Uchrashuvda musobaqalar jarayonidagi reyting nazoratlari, jamoaning so‘nggi natijalari va har bir o‘yinchining o‘yin faoliyati tahlil qilindi.

JDPU rektori maktablarning bitiruvchi o‘quvchilar bilan uchrashuv o‘tkazdi.

Jizzax shahridagi umumta’lim maktablaridan saralab olingan 31 nafar faol bitiruvchi o‘quvchilar dastlab universitetda yaratilgan sharoitlar bilan yaqindan tanishtirildi.

Zominda ustozlar uchun unutilmas sayohat tashkil etildi

Joriy yilning 14–15 mart kunlari Jizzax davlat pedagogika universitetining bir guruh professor-o‘qituvchilari uchun Zomin tumanidagi Zomin–Suffa dam olish maskaniga sayohat tashkil etildi.