Ingliz tili nazariyasi va metodikasi kafedrasi katta o‘qituvchisi, Uzoqova Shahnoza Soibnazarovna Omon Sultonligidagi Sultan Qabus universitetida o‘tkazilayotgan “Sustainable Translation in the Age of Knowledge Extraction, Generation, and (Re)Creation” nomli xalqaro konferensiyada faol ishtirok etmoqda.

Ushbu konferensiya zamonaviy tarjima jarayonlarida barqarorlik, sun’iy intellektning ta’siri va bilim yaratishning yangi paradigmalari bo‘yicha eng ilg‘or ilmiy fikrlar almashinadigan maydon sifatida tanilgan.

Shahnoza Soibnazarovna o‘z ma’ruzasi orqali tarjima ta’limida zamonaviy yondashuvlar, texnologiyalarning roli va pedagogik innovatsiyalar bo‘yicha tajribasini xalqaro hamjamiyatga taqdim etdi. Eng quvonarlisi, u konferensiyada ishtirok etish uchun Full Bursary Fund — to‘liq grantni qo‘lga kiritdi. Bu yutuq nafaqat uning ilmiy mehnatiga berilgan e’tirof, balki JDPU va mamlakatimiz uchun katta faxrdir.