Jizzax davlat pedagogika universiteti Filologiya fakulteti Roman-German tillari kafedrasi pedagog-xodimlari — Kavilova Tamara hamda Kavilova Laura-Aquilina — hozirda Fransiya Respublikasining nufuzli “Accent Français” instituti huzurida ilmiy-pedagogik stajirovka o‘tamoqdalar.

Stajirovka davomida pedagog-xodimlar o‘quv kurslari, amaliy mashg‘ulotlar, seminar-treninglar hamda tajriba almashish sessiyalarida faol ishtirok etib, fransuz tili o‘qitish metodikasi bo‘yicha ilg‘or xalqaro tajribani o‘zlashtirmoqdalar.

Shuningdek, ularga institut professor-o‘qituvchilari bilan ilmiy muloqotlar olib borish, o‘quv jarayonini kuzatish va darslarda qo‘llaniladigan innovatsion pedagogik texnologiyalar bilan yaqindan tanishish imkoniyati yaratilgan.

Mazkur stajirovka JDPU filolog o‘qituvchilarining malakasini oshirish, xorijiy tajribani o‘quv jarayoniga tatbiq etish va xalqaro hamkorlikni kengaytirishga xizmat qilmoqda.