Jizzax davlat pedagogika universiteti Xorijiy tillar fakulteti Ingliz tili nazariyasi va amaliyoti kafedrasi hamda Buyuk Britaniyaning nufuzli Portsmud universiteti bilan hamkorlikda o‘tkazilgan xalqaro konferensiyada ikki universitet o‘rtasidagi akademik va ilmiy hamkorlik masalalari, ta’lim va ilmiy tadqiqot sohalarida innovatsiyalar va yangi imkoniyatlar muhokama qilindi.
Konferensiyada ta’lim sifatini oshirish, pedagoglar va talabalar o‘rtasidagi tajriba almashinuvi, shuningdek, ikki universitet o‘rtasida ilmiy hamkorlikni yanada rivojlantirish yo‘llari haqida ma’ruzalar qilindi. Shuningdek, Portsmud universiteti professorlari tomonidan ma’ruzalar va seminarlar tashkil etildi, ularda ilm-fan va ta’lim sohasidagi zamonaviy yondashuvlar va metodologiyalar keng yoritildi.
Konferensiyada Ingliz tili nazariyasi va amaliyoti kafedrasi mudiri A.Jabborova, Ingliz tili amaliy kursi kafedrasi dotsenti G.G‘aniyeva, tayanch doktorant E.Ortiqovalar o‘z ma’ruzalari bilan ishtirok etishdi.
Bu xalqaro tadbir Jizzax davlat pedagogika universiteti va Portsmud universiteti o‘rtasidagi ilmiy-ijodiy hamkorlikni yangi bosqichga olib chiqish, shuningdek, talabalarning zamonaviy ta’lim va ilmiy tadqiqotlarda ishtirokini kengaytirish maqsadida muhim ahamiyatga ega bo‘ldi.
