Shu paytgacha kutubxonada maxsus (Brayl yozuvidagi va gapiruvchi) adabiyotlarni kamligi bois ko‘zi ojiz talabalar kutubxona xizmatidan deyarli foydalanishmasdi. Buning bosh sababi esa yillar davomida Brayl alifbosidagi asarlar nashr etilmagani va uzoq yillar sohaga e’tibor qaratilmaganining oqibatidir.

JDPU ARM fondi Ko‘zi ojizlar uchun maxsus adabiyotlarning yangilangani barchani birdek xursand qildi. Ayni paytda oliygohning Magistrlar bo‘limida 34 nafar ko‘zi ojiz magistrlar ta’lim olishadi.

JDPU ARM xodimi Sanam Isroilovaning fikricha, ko‘zi ojiz yoki zaif ko‘ruvchilarning asosiy suyanchig‘i kitob bo‘ladi. Shu bois Brayl alifbosidagi adabiyotlarni ko‘paytirish shunday insonlarga katta ko‘mak bo‘ladi.