O‘zbek tili va adabiyoti fakulteti, Bobur nomli Xalqaro jamoat fondi, fondning Jizzax viloyat bo‘limi hamda Temuriylar tarixi davlat muzeyi hamkorligida tashkil etilgan ilmiy seminar ishtirokchilari Jizzax viloyatining «Ilon o‘tdi» darasida kutib olindi. Mehmonlar uchun tarixshunos olim, dotsent Ahror Pardayev hamda o‘zbek tili va adabiyoti fakulteti dekani, dotsent Fazilat Ibragimova boshchiligida Jizzax shahrining «Qaliya tepaligi» (qadimgi Xaliliy-a kenti) hamda «O‘rda» ekologik boģi bo‘ylab “Bobur o‘tgan manzillar” nomli ekspeditsiya uyushtirildi.
Tadbir davomida quyidagi olimlar «Boburshunoslik va Jizzax ilmiy muhiti, Bobur nomli Xalqaro jamoat fondi faoliyatining ilmiy-ma’rifiy ahamiyati, Boburning arxitektura va san’atshunoslikka oid qarashlari, Boburshunoslikda yechimi kutilayotgan masalalari mavzusida ma’ruza qildilar.
Shuningdek seminarda sharqshunos olim Zahiriddin Muhammad Bobur, Boburiylar: Qomusiy, ilmiy va ilmiy-ommabop maqolalar jamlangan kitob taqdimoti (5 jildlik) ham o‘tkazildi.
