Mamlakatimizda amalga oshirilayotgan keng ko‘lamli islohotlar doirasida aholining tinch va osoyishta hayotini ta’minlash hamda jamiyatimizda qonunga itoatkorlik va jamoat xavfsizligi madaniyatini shakllantirishga alohida e’tibor qaratilmoqda.
Xususan, jamoat xavfsizligini ta’minlash yo‘nalishidagi ishlarni “Xalq manfaatlariga xizmat qilish” tamoyili asosida tashkil etishning mutlaqo yangi mexanizm va tartiblari joriy etilib, davlat organlarining jamoatchilik tuzilmalari bilan o‘zaro maqsadli hamkorligi yo‘lga qo‘yildi. Shu bilan birga, jahonda kuchayib borayotgan turli xavf-xatar va ziddiyatlar, el-yurt tinchligi va osoyishtaligiga tahdidlar, pandemiya, tabiiy va texnogen ofatlar mas’ul davlat tuzilmalariga o‘z faoliyatini “Barcha sa’y-harakatlar inson qadri uchun” degan ustuvor g‘oya asosida yanada takomillashtirish vazifasini yuklamoqda.
Jizzax davlat pedgogika universitetida professor-o‘qituvchilar va talabalar ishtirokida o‘tkazilgan yig‘ilishda ana shular xususida so‘z borib, O‘zbekiston Respublikasi Prezidentining 2021 yil 29 noyabrdagi “O‘zbekiston Respublikasi jamoat xavfsizligi konsepsiyasini tasdiqlash va uni amalga oshirish chora-tadbirlari to‘g‘risida”gi farmonining mazmun-mohiyati, ushbu hujjatda ko‘rsatib o‘tilgan jamoat xavfsizligini ta’minlovchi va unda ishtirok etuvchi sub’ektlar haqida to‘liq tushuntirishlar berildi.
Yig‘ilishda O‘zbekiston Respublikasi IIV akademiyasi rahbar o‘rinbosari, professor, polkovnik Kamalov Oybek Axmatovich ishtirok etdi.
