Ramazon hayiti – xayr-ehson, saxovat, mehr-muruvvat bayrami bo‘lib, insonlar o‘rtasida tenglik, totuvlik kabi insoniy fazilatlar rivoj topishida xizmat qiladigan ajoyib kundir. Bu kunda hatto bir og‘iz shirin so‘z , ko‘ngilni ko‘taruvchi, ilhom berguvchi muomala ham tuhfadir.

Insonlarning shu kuni uzoq yaqindagi qarindosh-do‘stlarini o‘zaro qutlashi, muhtojlar va bemorlar holidan xabar olishi bilan ham go‘zaldir bu bayram.

Ana shu go‘zal  qadriyatning yana bir amaliy ifodasi bu xalqimizning, ayniqsa, uning ehtiyojmand qatlamini, ijtimoiy himoyaga va yordamga muhtoj yurtdoshlarimizni ma’nan qo‘llab-quvvatlashdir. Jizzax davlat pedagogika universitetining Magistratura bo‘limi Ramazon hayiti arafasida shahrimizdagi 10 dan ziyod ana shunday xonadonlarga ramazon ehsonlarini tarqatishdi.

«Kimki bir ko‘ngli buzuqning xotirin shod aylagay, Oncha borkim Ka’ba vayron bo‘lsa, obod aylagay» A.Navoiyning ushbu misralarida Bir siniq ko‘ngilni ko‘tarish Ka’bani obod qilishga tenglashtirilgani haqida bitilgan,  Bugun ko‘ngli o‘ksik bir necha qalblar quvonchga to‘ldi. Qo‘llar duoga ko‘tarildi. Dildan qilingan niyatlar esa o‘z egalariga yetib borishi shubhasiz.