Navro‘z umumxalq bayrami va muborak Ramazon oyi arafasida “Obod va fayzli mahalla – yurt ko‘rki” shiori ostida o‘tkazilgan umumxalq xayriya hasharida Jizzax davlat pedagogika universiteti professor-o‘qituvchilari hamda talaba yoshlari ham faol ishtirok etishdi.
Shu kuni universitetning Bog‘ishamol hududida joylashgan “Talabalar bog‘i”, Bo‘ston shaharchasidagi Sirtqi bo‘lim hamda bosh binoda obodonlashtirish va ko‘chat ekish tadbirlari tashkil etildi. Xabaringiz bor 11 mart kuni tashkil etilgan hasharda 1957 dona (shotut, pavloniya, katalpa) kabi mevali hamda manzarali ko‘chatlar ekildi. Bugun ushbu hududga 4000 dona ( shotut, pavloniya, katalpa, terak, anor, flion, yasin) kabi ko‘chatlar qadaldi. Shuningdek shaxrimizdagi Bog‘ishamol hududida joylshagan “Talabalar bog‘i” ham 1000 dona mevali hamda manzarali nihollar ekildi.
Hashar, obodonlashtirish bo‘layotgan joyda mehnat qilayotganlarga “Hormanglar!” deyish o‘zbekning o‘ziga xos fazilatlaridan biridir. Shunday azaliy qadriyatni ulug‘lab, o‘z hissasini qo‘shishni istagan universitet rektori Sh.Sharipov boshchiligidagi rahbariyat vakillari ishtiyoq bilan ko‘chat ekayotgan talaba yoshlar huzuriga kelib, ular holidan xabar olishdi.
Yurtimizda o‘zaro hurmat, keksalar, o‘ksik ko‘ngillar holidan xabar olish, hasharlar tashkil qilish millatimiz ruhiga singib, necha asrdirki avloddan-avlodga o‘tib, xalqimizni birligi va totuvligida muhim ahamiyat kasb etib kelmoqda. Ayniqsa, ma’naviy hayotimizning uzviy qismiga aylangan hashar umummilliy an’anaga aylangan desak mubolag‘a emas.
Urf-odatga aylangan hashar nafaqat tozalik, balki odamlar o‘rtasida o‘zaro hurmat, mehr-oqibat va hamjihatlikni ham keltirib chiqaradi.
