Suhbat tanishuvdan boshlandi. Ekspert Rainer Arnold va Tilman Achstetter tabiiy fanlar fakulteti professor-o‘qituvchilari bilan suhbat davomida ikki kun mobaynida universitetda yaratilgan sharoitlar va qilinayotgan ishlar bilan tanishib chiqishganini, bugun oliygohda o‘qituvchilarga qanday sharoitlar yaratilganini bilish istagida ekanliklarini va ulardan taklif, fikrlarni tinglashga tayyor ekanliklarini bildirishdi. Ochiq muloqot tarzida o‘tgan uchrashuvda o‘quv dasturlari, o‘qitishning mazmuni va usullari, talabalarga maslahat va yordam berish, professor-o‘qituvchilar va boshqa pedagogik-xodimlarning malakasini oshirish, ilmiy-tadqiqot, ma’lumotlar bazalaridan foydalanish borasida amalga oshirilgan ishlar xususida so‘z bordi.
