Filologiya fakultetida «Debyut» to‘garagi a’zolari ishtirokida adabiy she’riyat kechasi tashkil etildi.

Tadbir buyuk mutafakkir va ijodkorlar — Alisher Navoiy, Zahiriddin Muhammad Bobur hamda Boris Pasternak ijodiga bag‘ishlandi.

Talabalar va magistrantlar turli tillarda she’rlar o‘qib, asarlardan sahna ko‘rinishlari namoyish etdilar, musiqiy-badiiy chiqishlar taqdim etildi. Har bir chiqish chuqur his-tuyg‘u va falsafiy mushohada bilan yo‘g‘rilgani bilan ajralib turdi.

Fakultet o‘qituvchilari mazkur ijodkorlar merosining jahon adabiyoti taraqqiyotidagi o‘rni, shuningdek, she’riyatning talabalarning estetik didi va ma’naviy qadriyatlarini shakllantirishdagi ahamiyati haqida fikr bildirdilar.

Adabiy viktorina bilan yakunlangan kechada ishtirokchilar o‘z bilimlarini sinovdan o‘tkazib, esdalik sovg‘alariga sazovor bo‘ldilar.