Jizzax davlat pedagogika universitetida «Erta nikoh, erta tug‘ruq va yaqin qarindosh-urug‘lar o‘rtasidagi nikohning sabab va oqibatlari» mavzusida davra-suhbat tashkil etildi.

Tadbir davomida talaba-qizlarga erta nikoh qurish, erta tug‘ruqning xususan, sog‘liq va ta’limga salbiy ta’siri, nikoh yoshini belgilash mezonlari, yaqin qarindoshlar o‘rtasidagi nikohlarning salbiy oqibatlari va uni oldini olish haqida batafsil ma’lumot berildi.

Shuningdek, nikoh tuzish tartibi, nikoh tuzishga monelik qiladigan holatlar, hamda nikohni qayd etishdan avval o‘tiladigan tibbiy ko‘rik va tibbiy ko‘rikdan o‘tishning ahamiyati haqida tushuncha va tavsiyalar berildi.Tadbir davomida erta va yaqin qarindoshlar o‘rtasidagi nikohlarning salbiy oqibatlari haqidagi videorolik va taqdimotlar ham namoyish etildi.

Uchrashuv o‘zaro fikr va mulohazalar, qiziqarli savol javoblarga boy tarzda o‘tdi.