Yer sayyorasi vujudga kelganiga qariyb to‘rt yarim milliard yil bo‘lgan. Uning 29 foizdan ortiqrog‘i quruqlikka, qolgan qismi esa dengiz va okeanlarga to‘g‘ri keladi. Ishlov beriladigan maydonlar esa bor-yo‘g‘i 11 foizni tashkil qilishiga qaramasdan, insonlar uchun zarur bo‘lgan oziq-ovqat mahsulotlarining 88 foizini yetishtirib beradi.
Jizzax davlat pedagogika universiteti Tabiiy fanlar fakulteti Geografiya va IBA kafedrasi -“YER KUNI” munosabati bilan “Yer sharini asraylik” mavzusida tashkil etilgan tadbirda ana shu jihatlarga e’tibor qaratildi. Tadbirda so‘zga chiqqanlar, sayyoramiz yagonaligini his etish, barcha kuchlarni dunyoda xavfsizlikni ta’minlash, xalqaro tinchlikni saqlash va barcha insonlarning yagona uyi hisoblangan Yerni himoya qilishga chorlashdi.
Tadbir so‘ngida “Yer sharini asraylik” mavzusida rasmlar tanlovi ham o‘tkazildi. Faol ishtirokchilar tashkilotchilar tomonidan e’tirof etildi.
