O‘zbekiston Respublikasi Prezidenti huzuridagi davlat xizmatini rivojlantirish agentligi Jizzax viloyati filiali tashabbusi bilan 2023-yil 18-oktyabr kuni Jizzax viloyati oliy ta’lim muassasalari uchun “El-yurt umidi” jamg‘armasi tomonidan onlayn seminar bo‘lib o‘tdi.
Ushbu seminarda filialning talabalari, yosh tadqiqotchilari va doktorantlar ishtirok etishdi. “El-yurt umidi” jamg‘armasi tomonidan ilg‘or xorijiy davlatlar nufuzli universitetlari va ilmiy markazlarda bakalavriat, magistratura doktoranturada ta’lim olish uchun 2023-yilgi 2-ochiq stipendiya tanlovi e’lon qilindi.
Tanlov 345 o‘ringa mo‘ljallagan bo‘lib, bakalavriat ta’lim dasturi uchun 22 o‘rin, magistratura uchun 193 o‘rin, doktorantura uchun 130 o‘rin stipendiyalar ajratiladi.
“El-yurt umidi” jamg‘armasi vakillari tomonidan ochiq stipendiya tanlovlarini o‘tkazish tartibi, ajratilgan kvotalar, ustuvor yo‘nalishlar, tanlovni tashkil etish mexanizmi hamda elektron hujjat topshirish platformasining ishlash tartibi to‘g‘risida ma’lumot berib o‘tildi.
