Jizzax davlat pedagogika universiteti “Volontyorlar klubi” a’zolari tomonidan “Dolzarb 90 kun” loyihasi doirasida navbatdagi amaliy tadbir tashkil etildi.

Unga ko‘ra, volontyor talabalar Jizzax shahridagi 17-sonli umumta’lim maktabida mehmon bo‘lib, ushbu ta’lim maskanida faoliyat yurituvchi “Pedagogik sinf” o‘quvchilari bilan samarali va mazmunli uchrashuv o‘tkazishdi.

Uchrashuv “Yozda men nimalar bilan bandman?” mavzusidagi ijodiy tadbir shaklida tashkil etildi. Tadbir davomida o‘quvchilar o‘zining yozgi ta’tildagi rejalari, qiziqishlari, mashg‘ulotlari va orzulari haqida fikr bildirib, ijodiy yondashuvlari bilan ajralib turishdi. Mazkur uchrashuv maktabning tajribali sinf rahbari Umarova Manzura bilan hamkorlikda tashkil qilindi va ikki tomonlama muloqot, tajriba almashinuvi hamda motivatsiya jarayonlari bilan boyitildi.

Tadbirning asosiy maqsadi – yosh avlod ongida samarali ta’tilni mazmunli o‘tkazish, ijodkorlikni rag‘batlantirish hamda kelajakdagi kasbiy yo‘nalishlarga qiziqish uyg‘otishdan iborat bo‘ldi.