Maktabgacha va boshlang‘ich ta’lim sohasidagi “Yangi istiqbollar” loyihasi doirasida Jizzax davlat pedagogika universiteti Maktabgacha va boshlang‘ich ta’lim fakultetining bir guruh o‘qituvchilari Chirchiq davlat pedagogika universitetiga tashrif buyurishdi.

Ushbu tashrif doirasida ikki universitet o‘rtasida ta’lim tizimini yanada rivojlantirish, ilmiy hamkorlikni kuchaytirish va tajriba almashish bo‘yicha qator amaliy masalalar muhokama qilindi.

Chirchiq va Jizzax davlat pedagogika universitetlari o‘rtasidagi bu samarali hamkorlik, shubhasiz, maktabgacha va boshlang‘ich ta’lim tizimida innovatsion yondashuvlarni joriy etish, shuningdek, raqobatbardosh va yuqori malakali kadrlar tayyorlashga katta hissa qo‘shadi.

Bu tashrif ikki ta’lim muassasasi o‘rtasidagi do‘stona aloqalarni mustahkamlab, ta’lim sifatini yangi bosqichga olib chiqishda muhim qadam bo‘ldi.