Bugun, 29-noyabr kuni, Buxoro davlat pedagogika institutida pedagogika yo‘nalishidagi oliy ta’lim muassasalari Ilmiy ishlar va innovatsiyalar bo‘yicha prorektorlari kengashining 4-sonli yig‘ilishi o‘z ishini boshladi.
Yig‘ilishda mamlakatimizdagi 13 ta pedagogikaka ixtisoslashgan oliy ta’lim muassasalarining ilmiy ishlar va innovatsiyalar bo‘yicha prorektorlari ishtirok etmoqda. Ular qatorida Jizzax davlat pedagogika universiteti prorektori Anora Jabborova ham faol ishtirok etmoqda. Shuningdek, pedagogika OTMlarining ilmiy bo‘lim rahbarlari ham tadbirda ishtirok etmoqda.
Uchrashuv doirasida Buxoro davlat pedagogika instituti rektori Bahodir Ma’murov Bahshulloyevich prorektorlar bilan alohida muloqot olib bordi. Suhbat davomida institutning kelgusidagi strategik rivojlanishiga oid ustuvor vazifalar belgilab olindi.
Xususan, quyidagi masalalar atroflicha muhokama qilindi:
-
ilmiy tadqiqotlar natijalarini amaliyot va ta’lim jarayonlariga tatbiq etish;
-
ilmiy kadrlar salohiyatini oshirish va malakali yosh tadqiqotchilarni tayyorlash;
-
innovatsion ishlanmalarni tijoratlashtirish bo‘yicha taklif va tashabbuslarni joriy etish.
Shu bilan birga, mavjud ilmiy loyihalarni amaliyotga joriy qilish, hamkor tashkilotlar bilan o‘zaro munosabatlarni mustahkamlash va yangi ilmiy tashabbuslarni yo‘lga qo‘yish bo‘yicha muhim takliflar ilgari surildi.
