“Biz birgamiz” aksiyasi davom etmoqda…

Xabaringiz bor Jizax davlat pedagogika instituti “Biz birgamiz” shiori ostida xayriya tadbirlarini o‘tkazib kelmoqda. Ikki yildan beri an’anaga aylanib ulgurgan ushbu tadbirlar davomida viloyatimizdagi tug‘ma nogironligi bor bolajonlar holidan xabar olinib ularga dori darmonlar va sovg‘alar ulashiladi. Navbatdagi tadbir Sharof Rashidov tumani xokimligi “Sog‘lom avlod uchun”xalqaro xayriya fondi tayanch punktida bo‘lib o‘tdi. Institutning Rus tili va adabiyoti fakulteti bilan hamkorlikda o‘tkazilgan xayriya tadbirida 18 nafar imkoniyati cheklangan, tug‘ma nogironligi bor bolajonlar ishtirok etishdi. Tadbirni tuman hokimi M.Xolbo‘taev ochib berdi. Ko‘tarinki ruhda bo‘lib o‘tgan tadbirda tuman hokimligi hamda homiylar tomonidan bolajonlarga o‘zlari ehtiyoji bo‘lgan buyumlar, dori darmonlar va esdalik sovg‘alari topshirildi.