Jizzax davlat pedagogika universitetining Boshlang‘ich va maktabgacha ta’lim pedagogika oliy maktabi hamda Filologiya fanlari pedagogika oliy maktabi bitiruvchi bosqich talabalari ishtirokida uchrashuv va amaliy seminar tashkil etildi.

Tadbirda bitiruvchilarni ish bilan ta’minlash, ularning kasbiy ko‘nikmalarini rivojlantirish hamda “Kelajakka qadam” dasturi doirasida yaratilayotgan imkoniyatlar yuzasidan ma’lumotlar berildi.

Milliy bank mutaxassislari tomonidan yoshlar bandligini qo‘llab-quvvatlash mexanizmlari, ishga joylashish tartiblari va mavjud imkoniyatlar haqida tushuntirishlar berilib, talabalarni qiziqtirgan savollarga javob qaytarildi.

Uchrashuv yakunida bitiruvchilar bandligini ta’minlash bo‘yicha hamkorlikni yanada kengaytirish va bunday tadbirlarni muntazam tashkil etib borish yuzasidan kelishuvlarga erishildi