Jizzax davlat pedagogika universitetida Prezidentning “Besh muhim tashabbusi” doirasida tashkil etilgan “Besh tashabbus olimpiadasi” qizg‘in tarzda davom etmoqda.
Bugungi kunda olimpiadaning navbatdagi bosqichi — yengil atletika musobaqalari bo‘lib o‘tdi. Unda turli fakultetlardan saralab olingan iqtidorli talabalar o‘z mahorat va jismoniy tayyorgarligini namoyish etdilar.
Musobaqalar davomida talabalar belgilangan masofaga yugurish, bo‘yicha bellashdilar. Har bir ishtirokchi g‘alaba uchun kurashish barobarida sog‘lom turmush tarzini hayotga tatbiq etishda namuna ko‘rsatdi.
Tadbirning asosiy maqsadi — yoshlarni sportga jalb etish, ularning jismoniy salomatligini mustahkamlash, jamoada ishlash va raqobatbardoshlik ko‘nikmalarini rivojlantirishdan iborat.
Musobaqa g‘olib va sovrindorlari tashkilotchilar tomonidan diplom va esdalik sovg‘alari bilan taqdirlanadilar.
