Baxmal tumanining «O‘rmonchi» va «Temir qadam» MFY larida o‘tkazilgan ma’naviy-ma’rifiy tadbir institutning Tarix hamda O‘zbek tili va adabiyoti fakultetlari hamkorligida tashkillashtirildi.
“Mahalla va oliy ta’lim muassasalari hamkorligida gap ko‘p. Birgina yoshlar masalasiga to‘xtaladigan bo‘lsak, bu hamkorlik aloqalari avvalom bor yoshlarimiz ongida, yurtimizda yuz berayotgan o‘zgarishlarga dahldorlik hissi uyg‘onishiga, ularning orzu-istaklarini to‘g‘ri yo‘naltirishga xizmat qiladi. Eng muhimi ularda ta’lim olishga havas ortadi. Jizzax davlat pedagogika instituti jamoasining asl niyati ham maqsadi ham shu aslida… ” –deydi tarix fakultet dekani A.Pardaev.
Dastlab tadbir tashkilotchilari ishni tumanning mahallaradagi ta’lim muassasalari faoliyatini o‘rganish, pedagog xodimlar bilan suhbatlar tashkil qilish, mavjud muammolar o‘rganishdan boshlashdi. So‘ngra hududdagi 20-maktab o‘quvchilari hamda uyushmagan yoshlardan iborat jamoalar ishtirokida “Zakovat” intellektual musobaqasi tashkil etildi. Qizg‘in tarzda o‘tgan musobaqa yakunida 20-maktab 10-B sinfning “Zukkolar” jamoasi g‘olib bo‘ldi. G‘oliblarga esdalik uchun kitoblar to‘plami hamda faxriy yorliqlar topshirildi. “Teatr-tarbiya maktabi” loyihasi doirasida Tarix fakulteti talabalari teatr studiyasi jamosi ijrosida A.Oripovning “Sohibqiron” dramasi asosida tayyorlangan sahna ko‘rinishini namoyish etildi. Tadbirda shuningdek sport musobaqalariga ham e’tibor qaratildi. O‘quvchi yoshlar sportning stol tennisi turi bo‘yicha musobaqalarda o‘zaro bellashishdi. O‘quvchi yoshlarda juda katta taassurot uyg‘otgan ma’naviy-ma’rifiy tadbir yakunida professor o‘qituvchilar ta’lim maskani hududiga turli mevali va manzarali ko‘chatlar o‘tqazishdi.
