Kecha o‘zbek tili va adabiyoti fakulteti jamoasi Baxmal tumanida joylashgan «Temirqadam» mahallasida navbatdagi uchrashuvini o‘tkazdi. Professor-o‘qituvchilar va talabalar tomonidan maktablarda ochiq darslar o‘tib berildi, mahalla faollari va o‘quvchi-yoshlar o‘rtasida turli tanlovlar tashkil qilindi.

Talabalar tomonidan qator sahnaviy chiqishlar va «Qora quyosh» dostoni asosida tayyorlangan spektakl qo‘yib berildi. Mahalladagi uyushmagan yoshlarga professor-o‘qituvchilar va talabalar tomonidan seminar-treninglar o‘tib berildi.

Ijodga qiziquvchi yoshlar bilan ijodning sirlari xususida uchrashuvlar tashkil qilindi. Uyma-uy yurib aholi bilan uchrashib, uchrashuv davomida maktab yoshidagi farzandlari uchun maktab formalari tarqatildi.

Tadbirlar yakunida mahalla ahli yana shu kabi tadbirlarni ko‘plab tashkil qilishlarini fakultet jamoasidan so‘rab, minnatdorchilik bildirdi.