Aniq fanlar fakultetining 3-kurs faol talabalari ishtirokida seminar-trening bo‘lib o‘tdi.
Tadbir Korrupsiyaga qarshi ta’lim va yoshlarning imkoniyatlarini kengaytirish global resursi (GRACE) dasturi doirasida ishlab chiqilgan metodik tavsiyalar asosida tashkil etildi.Seminar davomida talabalarga korrupsiya tushunchasi, uning turlari, javobgarlik masalalari haqida batafsil ma’lumot berildi. Shuningdek, ichki tartib-qoidalarga amal qilmaslik, fan sillabuslari va dasturlarini yetarli bilmaslik ayrim hollarda akademik korrupsiya kelib chiqishiga sabab bo‘lishi mumkinligi ta’kidlandi.
Trening jarayonida Prezidentimizning 2025-yil 5-martdagi tanqidiy-tahliliy ma’ruzasi mazmuni ham keng tushuntirildi. “Tarbiya” fani doirasida esa talabalarga halollik, birovning haqiga xiyonat qilmaslik kabi ezgu g‘oyalar sodda va tushunarli tilda yetkazildi.
Bundan tashqari, ishtirokchilarga “Korrupsiyaga oid huquqbuzarlik haqida xabar bergan yoki korrupsiyaga qarshi kurashishga ko‘maklashgan shaxslarni rag‘batlantirish tartibi to‘g‘risidagi nizom” yuzasidan ham tushunchalar berildi.
Seminar-trening talabalar uchun korrupsiyaga qarshi kurashishda huquqiy bilimlarni mustahkamlash va halollik tamoyillarini keng targ‘ib qilishga xizmat qildi.
