2025-yil 30-may kuni Axborot-resurs markazining “Aylana zali”da navbatdagi ilmiy-amaliy seminar-trening tashkil etildi. Tadbir tarixiy manbalarni o‘rganish va ularga ilmiy yondashuv masalalariga bag‘ishlandi.
Seminar-trening mehmoni – tarix fanlari bo‘yicha falsafa doktori (PhD) Karimova Nargiza Ikramovna bo‘lib, ular ishtirokchilarga tarixiy manbashunoslik, tarixiy ma’lumotlarni saralash hamda ularga tanqidiy yondashuv masalalari bo‘yicha nazariy va amaliy bilimlar taqdim etdilar.
Seminar-trening mavzusi:
«Manbashunoslik va tarixiy ma’lumotlarni tanlashda tanqidiy yondashuv: nazariya va amaliyot»
Tadbir davomida qatnashchilar tarixiy materiallar ustida ishlashda qo‘llaniladigan zamonaviy metodlar, tarixiy tafakkur shakllanishi hamda ilmiy izlanishlarda tanqidiy fikrlashning o‘rni haqida muhim ma’lumotlarga ega bo‘lishdi. Seminar yakunida ochiq muloqot tashkil etilib, ishtirokchilarning savollariga mutaxassis tomonidan atroflicha javoblar berildi.
Mazkur seminar-trening ilmiy izlanishlar bilan shug‘ullanayotgan talabalar, tadqiqotchilar hamda tarixga qiziquvchi mutaxassislar uchun foydali bo‘ldi.
