Ta’kidlash joiz “1+1” dasturi Jizzax davlat pedagogika instituti rektorining 2021 yil 23 martdagi 160-U-buyrug‘i asosida tashkil etilgan. Ushbu dasturda umumta’lim maktablarida tahsil olayotgan bir nafar o‘quvchiga bir nafar professor-o‘qituvchi biriktirilishi, professor-o‘qituvchi biriktirilgan o‘quvchining o‘quv-tarbiyaviy faoliyatida, ma’lum bir fan bo‘yicha fan olimpiadalariga tayyorgarlik ko‘rsatishida metodik yordam ko‘rsatishi belgilangan. Shu buyruq asosida Jizzax davlat pedagogika instituti Masofaviy ta’lim kafedrasi mudiri, PhD Umarov Ilhom Akbarovichning Zomin tumani Xalq ta’lim boshqarmasi 16-umumta’lim maktabining 8-sinfida tahsil oluvchi Anarboeva Aziza bilan o‘quv-tarbiyaviy jarayonda birgalikda ishlashi yo‘lga qo‘yilgan. Bo‘lib o‘tgan uchrashuvda O‘quvchilarni ma’lum bir fan bo‘yicha fan olimpiadalariga tayyorlash tizimi, Respublika oliy ta’lim muassasalari qabul kvotalari, kirish ballari , Oliygohlarga kirishni xohlovchi abiturientlar uchun hukumat tomonidan beriladigan imtiyozlar haqida ma’lumotlar berildi. Shuningdek ushbu tadbir doirasida O‘quvchilar o‘rtasida “Milliy adabiyotimiz namunalari” mavzusida badiiy asarlar tanlovini o‘tkazish masalalari ham muhokama qilindi. 
