Farzandining dunyoga kelib, dunyoni o‘rganishida xizmat qiluvchi birinchi tarbiyachisi ota-onasi hisoblansa, Uni inson sifatida kamol toptirishida, jamiyatda o‘zining o‘rnini topishda va ertangi kelajagini belgilab olishda ustoz va murabbiylarning o‘rni beqiyosdir.
Bugun Jizzax davlat pedagogika universitetining madaniyat saroyiga ana shu mo‘tabar insonlar, faxriy ustozlar va mehmonlar taklif etildilar. ta’kidlash joiz ushbu dargoh o‘z faoliyatini dastlab 29 nafar ustozlar bilan boshlagan bo‘lsa, bugungi kelib bu raqamlar 700 nafardan ziyodini tashkil etadi. 1978-yil Jizzax davlat pedagogika instituti o‘zining 249 nafar ilk talabalarini qabul qilib olgan bo‘lsa, o‘tgan 50-yil davomida esa bitirgan talabalarning umumiy soni 52857 nafardan oshdi. Ular orasida el nazariga tushgan, nafaqat Respublikamizda, balki xorijda ham turli sohalarda faoliyat yuritayotgan rahbar xodimlar va ustozlarning borligi ko‘ksimizni faxrga to‘ldiradi. Tadbirda so‘zga chiqqanlar bunday yutuqlarda ta’lim muassasamizda ham uzoq yillar faoliyat ko‘rsatib, bugungi kunda shogirdlariga o‘z maslahatlarini ayamay, yosh kadrlar bilan yelkama-yelka xizmat qilayotgan ustoz faxriylarimizning hissasi beqiyos ekanligini ta’kidlashdi.
Tadbirda bayram arafasida davlatimiz rahbarining farmoniga asosan hamda Oliy ta’lim, fan va innovatsiyalar vazirligining oliy ta’lim a’lochisi ko‘krak nishoni bilan taqdirlanganlar universitet rektori tomonidan yana bir bor e’tirof etildi. Ularga esdalik sovg‘alari va diplomlar tantanali ravishda topshirildi.
Tadbirda uzoq yillar shu muassasada rektorlik lavozimda faoliyat yuritgan sobiq rektorlar hamda yurtimizdagi pedagogika yo‘nalishida faoliyat yuritayotgan oliy ta’lim muassasalari vakillari ham ishtirok etishdi.
Mehmonlar universitet rektoriga o‘z sog‘larini topshirishdi. O‘z navbatida faxriy mehmonlarga universitet kasaba uyushmasi tomonidan ta s tantanali ravishda topshirildi.
Tadbirda shuningdek universitet stipendiatlariga ham statuetkalar va faxriy yorliqlar topshirildi.
Bayramga universitet badiiy jamoasi tomonidan tayyorlangan teatrlashtirilgan konsert dasturi yakun yasadi.
