1-iyun – Xalqaro bolalarni himoya qilish kuni munosabati bilan Maktabgacha ta’lim fakultetida bayram tadbiri bo‘lib o‘tdi. – Abdulla Qodiriy nomidagi Jizzax davlat pedagogika universiteti

Bosh sahifa
Yangiliklar
1-iyun – Xalqaro bolalarni himoya qilish kuni munosabati bilan Maktabgacha ta’lim fakultetida bayram tadbiri bo‘lib o‘tdi.

Yangiliklar

29/05/2025

Chop etish

1-iyun – Xalqaro bolalarni himoya qilish kuni munosabati bilan Maktabgacha ta’lim fakultetida bayram tadbiri bo‘lib o‘tdi.

1-iyun – Xalqaro bolalarni himoya qilish kuni munosabati bilan Jizzax davlat pedagogika universiteti Maktabgacha ta’lim fakulteti tashabbusi bilan fayzli bayram tadbiri tashkil etildi.

Tadbirda bolajonlar, bog‘cha tarbiyalanuvchilari, ota-onalar, murabbiylar hamda talabalar ishtirok etdi. Tadbir doira sadolari ostida, chiroyli ijro va quvnoq kuylar bilan boshlandi. Doira va kuy-qo‘shiqlar sadosi ostida boshlangan tantana fakultet rahbariyati hamda universitet prorektori S.Nazarqosimovning tabrik so‘zlari bilan davom etdi. Ular bolalarni bayram bilan muborakbod etar ekan, har bir bola uchun tinch hayot va baxt tilashdi.

Tadbirda turli ertak qahramonlari ishtirokidagi sahna ko‘rinishlari, bolalar tomonidan tayyorlangan raqslar, ijodkor talabalarning jonli ijrodagi musiqiy chiqishlari namoyish etildi. Ushbu konsert dasturi yosh tomoshabinlarga quvonch va xursandchilik ulashdi.

Tadbir davomida bolalar uchun turli ko‘ngilochar o‘yinlar, tanlovlar uyushtirildi, g‘oliblarga esdalik sovg‘alar berildi. Faqatgina ko‘ngilochar emas, balki ma’naviy-tarbiyaviy ahamiyatga ega bo‘lgan mazkur tadbir yosh avlod ongida bolalik qadri va uning himoyasi muhim ekanini yana bir bor tasdiqladi. Bayram — haqiqiy bayramdek o‘tdi. Bolajonlar yuzidagi samimiy tabassum, ularning ko‘ngildan quvongani bayram tashkilotchilarini mamnun etdi. Bayramga kelgan bolajonlar bu kunni uzoq vaqt eslab yuradigan bo‘ldi.

Boshqa rubrikalarda mashhur

Barcha Rubrikalar

Maktabgacha va maktab ta’limi tizimining ilmiy muammolari.

Maktabgacha va maktab ta’limi tizimining ilmiy muammolari pedagogik jarayonni takomillashtirish, ta’lim sifatini oshirish hamda zamonaviy ta’lim talablariga mos ilmiy yechimlarni ishlab chiqishga qaratilgan dolzarb masalalarni...

JDPUda pedagogik mahoratini oshirishga qaratilgan uzluksiz kasbiy rivojlanish o‘quv seminarlarining navbatdagi bosqichi yakunlandi.

Mashhur ekspert-trener, professor Ishmuhammedov Ravshan Jo‘rayevich ishtirokida o‘tkazilgan uch kunlik seminarlarda zamonaviy pedagogik texnologiyalar tinglovchilarga sodda va ta’sirchan usullarda yetkazildi.

JDPUda professor-o‘qituvchilar uchun TOP–300 OTMlar tajribasiga asoslangan o‘quv seminari davom etmoqda.

Jizzax davlat pedagogika universitetida professor-o‘qituvchilar uchun dunyoning TOP–300 oliy ta’lim muassasalari tajribasiga asoslangan o‘quv seminari o‘z ishini davom ettirmoqda.