Jizzax davlat pedagogika universitetining o‘quv ishlari bo‘yicha prorektori F.Jo‘raqulov boshchiligida universitetda biznes loyihasi bor talabalar bilan ochiq muloqot tashkil etildi.
Ochiq muloqotda O‘zbekiston Respublikasi Prezident Shavkat Mirziyoyevning 14-fevral kuni yoshlar bilan videoselektor shaklida o‘tgan uchrashuvda yoshlar uchun imkoniyatlarni yanada kengaytirish chora-tadbirlari muhokama etilganligi, ularning bandligini ta’minlash, intilishlariga sharoit yaratish davlatimizning ustuvor siyosatiga aylanganligi haqida so‘z bordi.
Shuningdek, Milliy bank yoshlarning biznes loyihalarini qo‘llab-quvvatlovchi tayanch bankka aylantirilganligi haqida ham aytib o‘tildi. Milliy bank oliy ta’lim muassasalari bitiruvchilarining biznes g‘oyalarini moliyalashtirish uchun 100 million so‘mgacha 7 yil muddatga imtiyozli kreditlar ajratishini talabalarga yetkazildi.
Uchrashuvda biznes loyihasi bor har bir talaba bilan ochiq muloqot qilindi. Universitetda “Kelajakka qadam” dasturi doirasida alohida shtab tashkil qilinganligi va bu shtab har bir loyihasi bor talabalar bilan doimiy aloqada bo‘lishini alohida ta’kidlandi.
