O‘zbekiston Respublikasi Vazirlar Mahkamasining 2020 yil 28 maydagi “Keksalarni davlat tomonidan qo‘llab-quvvatlash tizimini yanada takomillashtirishning qo‘shimcha chora-tadbirlari to‘g‘risida”gi 340-sonli qarori bilan har yili noyabr oyi “Keksalar uchun turizm oyligi” etib belgilanganligi hamda O‘zbekiston Respublikasi Oliy va o‘rta maxsus ta’lim vazirligining 2022 yil 17-noyabrdagi 5/18-4/1-6691-sonli xatiga asosan ushbu oylik doirasida amalga oshirilishi belgilangan vazifalar, shuningdek O‘zbekiston kasaba uyushmalari Federatsiyasi tomonidan “O‘zbekiston bo‘ylab sayohat qil!” shiori ostida ichki turizmni rivojlantirishga ko‘maklashish maqsadida Respublikamizning tarixiy shaharlari hamda ziyoratgohlariga sayohatlar tashkil etish to‘g‘risidagi qarorlari ijrosini ta’minlash hamda tarixiy va ko‘hna Samarqand shahrida xalqaro miqyosdagi o‘tkazilgan tadbirlar asnosida qilingan ulkan bunyodkorlik ishlari bilan universitetimiz professor-o‘qituvchilari hamda xodimlarini tanishtirish maqsadida universitet kasaba uyushma qo‘mitasi tomonidan 2022 yilning 19 noyabr kuni Samarqand shahriga sayohat tashkil etildi. Sayohat davomida professor-o‘qituvchilar Hazrat Doniyor qadamjosi, Shoxi Zinda majmuasi, Birinchi Prezidentimiz I.Karimov maqbarasi, Registon majmuasi, Go‘ri Amir maqbarasi va yaqin kunlarda Xalqaro miqyosda o‘tkazilgan Sammitlar markazi, turizm zonasi hamda boshqa yangi inshootlar bilan yaqindan tanishish imkoniyatiga ega bo‘ldilar.
