Axborot Resurs Markazining Aylana zalida «Pedagogik tajriba-sinov ishlari metodologiyasi» mavzusida bo‘lib o‘tgan seminarni pedagogika fanlari doktori, professor Abdinazar Nurmanov olib bordi.
Pedagogik tajriba-sinov ishlari metodologiyasi, bu shunday tafakkur va fikrlash jarayoni bo‘lib, uning yordamida tabiiy yoki maxsus yaratilgan, nazorat qilinadigan, boshqariladigan pedagogik farazlar, g‘oyalar, yangiliklar o‟quv jarayoniga tatbiq qilinadi.
Pedagogik ilmiy farazlar, muammolarni hal qilishning yangicha yo‘llari va vositalari izlanadi. Pedagogik tajriba-sinov bu, umummilliy tafakkur jarayoni bo‘lib, pedagogik omillar, shart-sharoitlar, jarayonlar o‘rtasidagi sabab va oqibatlar bilan bog‘liq o‘rganiladigan bir yoki bir necha obyekt yoxud tizim-larni aniq rejalar asosida oydinlashtirish imkonini beruvchi jarayondir.
Tajriba-sinov ishlari asosan ta’lim-tarbiya jarayoniga aloqador ilmiy faraz yoki yangicha usullarning tatbiqiy jarayonlarini sinash, tekshirish, aniqlash maqsadida o‘tkaziladi.Izlanuvchilar ishtirokida o‘tgan seminarda. ana shu mavzu haqida so‘z yuritildi. Mulohazalar bildirildi. Takliflar tinglandi.Savollarga atroflicha javob berildi.
