Joriy yilning 14 mart kuni Oliy va o‘rta maxsus ta’lim vaziri Abduqodir Toshqulov rahbarligida oliy ta’lim tizimida ilm-fan va innovatsiyalarni rivojlantirishning dolzarb masalalariga bag‘ishlangan navbatdagi kengaytirilgan Hay’at yig‘ilishida xorijiy olimlar bilan hamkorlikda ilmiy-tadqiqot ishlarini yaratish va dunyo miqyosiga chiqish vazifasi qo‘yilgan edi. Ushbu topshiriqning ijrosini ta’minlash maqsadida institutimizda bir qator xayrli ishlar boshlandi. Shu jumladan, Boshlang‘ich ta’lim fakulteti “Boshlang‘ich ta’lim nazariyasi va amaliyoti” kafedrasi professor-o‘qituvchilari xorijlik olimlar bilan ilmiy-tadqiqot ishlari yuzasidan hamkorlik ishlarini olib bormoqda.  Xususan, yaqindagina Turkiyaning Fırat Ü., İnsani ve Sosyal Bilimler Fakültesi Çağdaş Türk Lehçeleri ve Edebiyatları Bölümü mudiri professor Ercan Alkaya,  “Boshlang‘ich ta’lim nazariyasi va amaliyoti” kafedrasi professori U.Jumanazarov, kafedra mudiri, filologiya fanlari doktori, prof. v.b. G.Jumanazarova tomonidan tayyorlangan “Turkiy xalqlari adabiyoti” nomli monografiyasi Turkiyaning “KESİT YAYINLARI” nashriyotida chop etildi va www. kesityayinlari.com. saytida sotuvga qo‘yildi.

Bundan tashqari, ushbu kitobning birinchi nashri Germaniyada ham chop etilib, www.morebooks.shop.com. saytida sotuvga qo‘yilgan.