«Tibbiyot yo‘nalishidagi hamkorlik yangi yo‘nalishlarga yo‘l ochadi» — deydi universitet rektori M.Yuldashev – Abdulla Qodiriy nomidagi Jizzax davlat pedagogika universiteti

Bosh sahifa
Yangiliklar
«Tibbiyot yo‘nalishidagi hamkorlik yangi yo‘nalishlarga yo‘l ochadi» — deydi universitet rektori M.Yuldashev

Yangiliklar

23/09/2025

Chop etish

«Tibbiyot yo‘nalishidagi hamkorlik yangi yo‘nalishlarga yo‘l ochadi» — deydi universitet rektori M.Yuldashev

Bugun Jizzax davlat pedagogika universiteti rektori, hind hamkorlari — professor Dr Anand Kumar Tripati boshchiligidagi delegatsiyani qabul qildi.

Uchrashuv iliq tilaklar almashish va milliy an’analarni ifoda etuvchi esdalik sovg‘alar taqdimoti bilan boshlandi. Bu ramziy sovg‘alar ikki xalq o‘rtasida asrlar davomida shakllangan do‘stlik va hamkorlik rishtalarini yanada mustahkamlaydi desak xato qilmagan bo‘lamiz.

Qariyb ikki soat davom etgan muzokaralarda asosiy e’tibor tibbiyot va ta’lim sohalaridagi hamkorlik masalalariga qaratildi. Jumladan, JDPU va Dr. Anand Kumar o‘rtasida imzolangan hamkorlik shartnomasi bilan tanishildi, Hindistonlik xorijiy talabalarni universitetga jalb qilish borasida amalga oshirilayotgan ishlar hamda istiqboldagi rejalar muhokama etildi. Shuningdek, xorijiy talabalar uchun ingliz tilida dars mashg‘ulotlari o‘tkazuvchi mutaxassislarni jalb etish, ularni yotoqxona bilan ta’minlash va transport qatnovini yo‘lga qo‘yish, Javaharlal Neru universiteti hamda Singapurning yetakchi oliy ta’lim muassasalari bilan hamkorlikni yo‘lga qo‘yish masalalariga alohida e’tibor qaratildi. Muzokaralar jarayonida Hindiston va Singapurning nufuzli universitetlari bilan qo‘shma ta’lim dasturlarini joriy etish imkoniyatlari o‘rganildi. Suhbat davomida tibbiyot yo‘nalishida qo‘shma ta’lim dasturlarini ishlab chiqish, yo‘l xaritasini belgilash, Hindiston tomonidan taqdim etiladigan o‘quv dasturlarini bosqichma-bosqich joriy etish, talabalar amaliyoti va pedagoglar jamoasini shakllantirish kabi masalalar ham ko‘rib chiqildi.

Eng qiziqarlisi, muzokaralarda noan’anaviy tibbiyot va xalq tabobati yo‘nalishlarida ham hamkorlik istiqbollari muhokama qilindi. Bu borada Bio-tabiiy fanlar maktabi (London) bilan hamkorlik yo‘nalishlari belgilab olindi. Dr. Sunni Ahonsi o‘z fikrlari va taqdimoti bilan ishtirokchilarda katta taassurot qoldirdi.

Shuningdek, universitet hududida tibbiyot muassasasi barpo etish va ushbu jarayonga talabalarni jalb qilish masalalari ham ko‘rib chiqildi. Mehmonlar uchrashuvdan so‘ng tibbiyot muassasasiga aylantirilishi rejalashtirilgan binoda bo‘lib, amaliy rejalar bilan yaqindan tanishdilar.

Boshqa rubrikalarda mashhur

Barcha Rubrikalar

Maktabgacha va maktab ta’limi tizimining ilmiy muammolari.

Maktabgacha va maktab ta’limi tizimining ilmiy muammolari pedagogik jarayonni takomillashtirish, ta’lim sifatini oshirish hamda zamonaviy ta’lim talablariga mos ilmiy yechimlarni ishlab chiqishga qaratilgan dolzarb masalalarni...

JDPUda pedagogik mahoratini oshirishga qaratilgan uzluksiz kasbiy rivojlanish o‘quv seminarlarining navbatdagi bosqichi yakunlandi.

Mashhur ekspert-trener, professor Ishmuhammedov Ravshan Jo‘rayevich ishtirokida o‘tkazilgan uch kunlik seminarlarda zamonaviy pedagogik texnologiyalar tinglovchilarga sodda va ta’sirchan usullarda yetkazildi.

JDPUda professor-o‘qituvchilar uchun TOP–300 OTMlar tajribasiga asoslangan o‘quv seminari davom etmoqda.

Jizzax davlat pedagogika universitetida professor-o‘qituvchilar uchun dunyoning TOP–300 oliy ta’lim muassasalari tajribasiga asoslangan o‘quv seminari o‘z ishini davom ettirmoqda.