Bugungi kunda ta’lim tizimida amalga oshirilayotgan strategik maqsadlardan biri ta’lim tizimini xalqarolashtirish orqali milliy kadrlar tayyor tizimida xalqaro mehnat bozori talablari asosida raqobatbardosh kadrlar tayyorlash hisoblanadi.
Davlat rahbarining topshirig‘iga asosan oliy ta’lim muassasalari dasturlarini Xorijiy oliy ta’lim muassasalari dasturlari bilan uyg‘unlashtirish, TOP-300 talik oliy ta’lim muassasalari o‘quv dasturlarini o‘quv jarayoniga tatbiq etish orqali pedagog-xodimlar va talabalarda xalqaro ta’lim ko‘nikmalarini shakllantirish ustuvor vazifa sifatida belgilangan.
![](https://jdpu.uz/wp-content/uploads/2025/01/IMG_20250128_103848.jpg)
![](https://jdpu.uz/wp-content/uploads/2025/01/IMG_20250128_103903.jpg)
Shundan kelib chiqqan holda talabalarda xalqaro ta’lim ko‘nikmalarini shakllantirish orqali xalqaro darajadagi pedagoglarni tayyorlash pedagogika sohasidagi har bir oliy ta’lim muassasasining strategik vazifasi hisoblanadi.
![](https://jdpu.uz/wp-content/uploads/2025/01/IMG_20250128_104016.jpg)
![](https://jdpu.uz/wp-content/uploads/2025/01/IMG_20250128_104029.jpg)
Mazkur strategik vazifalardan kelib chiqqan holda 2024-2025-o‘quv yilidan Jizzax davlat pedagogika universiteti hamda Jizzax shahridagi Prezident maktabi tomonidan imzolangan qo‘shma qarorga asosan iqtidorli bitiruvchi kurs talabalari uchun Prezident maktabida xalqaro ta’lim dasturlari asosida talabalar amaliyotini tashkil qilish tizimi yo‘lga qo‘yildi.
![](https://jdpu.uz/wp-content/uploads/2025/01/IMG_20250128_104056.jpg)
![](https://jdpu.uz/wp-content/uploads/2025/01/IMG_20250128_110537.jpg)
Prezident maktablarida amaliyotga yuborilgan talabalar xorijiy mutaxassislar bilan ishlashi, xalqaro ta’lim dasturlarini o‘rganishi hamda mutaxassislik yo‘nalishida xalqaro ta’lim ko‘nikmalarini o‘zlashtirish imkoniyatiga ega bo‘ladi.