Universitetning Matematika va informatika fakultetida bo‘lib o‘tgan konferensiyani Jizzax davlat pedagogika universiteti rektori v.v.b. Furqat Jo‘raqulov ochib berdi.
Yurtimizdagi bir qator OTMlar olimlari, universitet professor-o‘qituvchilari va talaba yoshlar ishtirokida o‘tgan seminar-treningda oliy matematik ta’limda sun’iy intellektning roli va ahamiyati, Ta’lim jarayonida sun’iy intellekt va raqamli texnologiyalarni qo‘llash istiqbollari, jarayonga sun’iy intellekt texnologiyalarni joriy etishning samaradorligini oshirish, Sun’iy intellekt orqali yozma ishlarni baholash, sun’iy intellekt, raqamli ta’lim resurslari va kiberxavfsizlik ulardan samarali foydalanish bo‘yicha ma’ruzalar qilindi.
Seminarda boshqa davlatlardan olimlarning onlayn ishtirok etgani barcha uchun samarali bo‘ldi. Seminar so‘ngida Mehmonlar bilan ochiq muloqot tashkil etildi.
Universitet ta’limini takomillashtirishda xalqaro hamkorlikning ustuvor yo‘nalishlari mavzusida suhbat qilindi. Faol ishtirokchilar taqdirlandi.Seminar mehmonlarning Jizzax davlat pedagogika universiteti ARMi, muzeylar va fakultetlariga tashrifi bilan yakunlandi.
