Jizzax sanoat hududida “Talaba-yugur” ko‘ngillilar yugurish sport musobaqasi tashkil etildi.
Talaba-yoshlarni sog‘lom turmush tarziga va sport tadbirlariga keng jalb qilish maqsadida tashkil etilgan musobaqada 5 ta oliy ta’lim muassasasi, maktab o‘quvchilari hamda mahalla vakillari ishtirok etdi.
Yugurish marafonida viloyatdagi oliy ta’lim muassasalarida tahsil olayotgan 3 mingga yaqin talabalar, professor-o‘qituvchilar ishtirok etishdi. Yugurish marafoni ”so‘ngida o‘tkazilgan taqdirlash marosimida Yengil atletika federatsiyasi, oliy ta’lim muassasalari rahbariyati, viloyat hokimi o‘rinbosari so‘zga chiqib, marafon ishtirokchilariga o‘zlarining samimiy tilaklarini bildirishdi.
Musobaqada g‘oliblikni qo‘lga kiritganlar tashkilotchilarning diplom va pul mukofotlari bilan taqdirlanishdi.
Ma’lumot uchun: “Talaba yugur” musobaqasida 1-2-3 o‘rinlarni (yigitlar va qizlar o‘rtasida) Jizzax davlat pedagogika universiteti talaba yoshlari qo‘lga kiritishdi. Qizlar o‘rtasida jismoniy madaniyat fakultetining 1-kurs talabalari Xayrullayeva Feruza Lutfulla qizi, 1-o‘rinni Xayrullayeva Feruza Lutfulla qizi, 2-o‘rinni Jo‘rabekova Durdona Atxam qizi esa 3-o‘rinni qo‘lga kiritdi.Yigitlar o‘rtasida Aktamov Uchqun Akbar o‘g‘liga 1-o‘rin, Abduqayumov Shahobiddinga 2-o‘rin, Haqberdiyev Xusan Abduqodir o‘g‘liga 3-o‘rin nasib etdi.
