Jizzax davlat pedagogika universitetida 1 oktyabr — “O‘qituvchi va murabbiylar kuni”ga bag‘ishlab, “Sog‘lom inson – sog‘lom millat” shiori ostida futbol musobaqalari o‘tkazildi.

Ma’lum bir hafta davomida bo‘lib o‘tgan sport bellashuvlarida universitetning turli bo‘lim va tarkibiy tuzilmalari jamoalari faol ishtirok etishdi. Bellashuvlar davomida jamoalar jipsligi, qat’iyati va yuksak sport mahoratlari namoyon bo‘ldi.

 Musobaqa yakunlariga ko‘ra:

• 1-o‘rin – Rektorat jamoasi,

• 2-o‘rin – RTTM jamoasi,

• 3-o‘rin – O‘quv bo‘limi jamoasiga nasib etdi.

G‘olib va sovrindor jamoalar ertaga “Xonatlas” saylida tantanali ravishda maxsus diplom va esdalik sovg‘alari bilan taqdirlanadi. Ushbu musobaqa nafaqat jamoalar o‘rtasida sog‘lom raqobat va do‘stona muhit yaratdi, balki universitet jamoasida sog‘lom turmush tarzini targ‘ib qilishda ham muhim ahamiyat kasb etdi.