Jizzax davlat pedagogika universiteti rektori, professor Shavkat Sharipov universitetning Magistrlar bo‘limi 1kurs magistrantlariga “Ilmiy tadqiqot metodologiyasi fanining maqsadi, o‘quv fanlari tizimidagi o‘rni.» mavzusida maʼruza mashg‘uloti o‘tkazdi.
Keyingi yillarda mamlakatimizda taʼlimning barcha bo‘g‘inlari, xususan, oliy o‘quv yurtlarida taʼlim sifati va samaradorligini oshirish, talabalarning puxta bilim olishi va malakali mutaxassis bo‘lib yetishishi masalalariga alohida eʼtibor qaratilmoqda. Mazkur yo‘nalishdagi ishlarni samarali tashkil etish ko‘p jihatdan oliy o‘quv yurti rahbariyati, ustoz va pedagoglarning ilmiy, tashkilotchilik salohiyatiga bog‘liq. Bu borada Jizzax davlat pedagogika universitetida eʼtiborga molik ishlar amalga oshirilmoqda. Xususan, rektor tomonidan o‘tkazilgan noanʼanaviy maʼruza-mashg‘ulot ham ana yo‘nalishdagi ishlarga bir misoldir. Maʼruza ochiq tarzda o‘tildi, unda 1 kurs magistrantlari ishtirok etishdi.
Maʼruzani professor talabalarning avvalgi maʼruzadan olgan bilimlarini suhbat tarzida savol-javob qilishdan boshladilar. So‘ng yangi mavzu eng so‘nggi maʼlumotlar bilan boyitilgan holda interaktiv usulda olib borildi. Maʼruza erkin suhbat tarzida bo‘lib, talabalar o‘zlarini qiziqtirgan savollar bilan murojaat qilishdi va savollariga to‘liq javob oldilar.
Maʼruza yakunida Rektor talabalardan o‘qitish tizimi, xususan maʼruzalarni samaradorligini oshirishga qaratilgan takliflarini so‘radi. Taʼkidlash joiz Jizzax davlat pedagogika universitetida rektor, prorektor, professor-o‘qituvchilar tomonidan bu kabi mashg‘ulotlarni muntazam o‘tkazilishi belgilangan.
