Jizzax davlat pedagogika universitetida rektor tashabbusi bilan oliygohni raqamlashtirish jarayonlariga bag‘ishlangan yig‘ilish bo‘lib o‘tdi.

Yig‘ilishda universitetning axborot tizimlarini yanada takomillashtirish, elektron boshqaruvni samarali yo‘lga qo‘yish hamda ta’lim jarayonida raqamli platformalardan foydalanishni kengaytirish masalalari muhokama qilindi.

Tadbir davomida https://main.jdpu.uz/ platformasining afzalliklari va uning ishlash tartibi haqida batafsil taqdimot qilindi. Dastlab o‘quv bo‘limi mas’ullari platformaning ta’lim jarayoniga oid qismlari bo‘yicha axborot berdilar.

Shuningdek, “4+2 amaliyot” tizimi, Axborot-resurs markazining (ARM) elektron xizmatlari hamda “7/24” platformasi faoliyati bo‘yicha ham taqdimotlar o‘tkazildi.

Universitet rektori tomonidan berilgan savollarga yig‘ilish davomida mutaxassislar batafsil javob qaytarildi. Ayrim platformalarni yanada qulay va samarali qilish bo‘yicha takliflar berildi. Xususan, kunlik va oylik hisobotlarni avtomatlashtirish, ma’lumotlarni bir tizimda jamlash hamda raqamli xizmatlarni integratsiya qilish zarurligi ta’kidlandi.

Yig‘ilish yakunida universitet rektori raqamlashtirish — bu faqat elektron tizim joriy etish emas, balki boshqaruvda shaffoflik, tezkorlik va samaradorlikni ta’minlaydigan muhim jarayon ekanligini ta’kidladi.