Pedagogika va psixologiya fakulteti, Pedagogika ta’limi nazariyasi kafedrasi professor-o‘qituvchilari Arnasoy tumanida “Umumiy ta’lim maktablarida oliy ta’limga qamrovni oshirishga qaratilgan targ‘ibot-tashviqot tadbirlarini tashkil etish” mavzusida tadbir o‘tkazdilar.

Mazkur tadbir joriy yilning 31-may kuni Arnasoy tumanidagi 8-umumiy o‘rta ta’lim maktabida amalga oshirildi. Tadbir davomida oliy ta’limga qamrovni oshirish, maktab yoshlarida kasb-hunarga bo‘lgan qiziqishni kuchaytirish, davlat tomonidan ta’lim tizimida amalga oshirilayotgan islohotlar haqida keng ma’lumot berildi.

Shuningdek, professor-o‘qituvchilar yoshlarning oliy ta’lim muassasalariga kirishida yuzaga kelayotgan muammolar va ularni bartaraf etish yo‘llari yuzasidan fikr almashdilar, targ‘ibot materiallari tarqatildi. Tadbir ishtirokchilari tomonidan faol ishtirok etilib, savol-javoblar tashkil etildi.

Ushbu tadbir maktab ta’limi tizimidagi islohotlar samaradorligini oshirish va yoshlar o‘rtasida oliy ta’limga bo‘lgan qiziqishni oshirishda muhim omil bo‘ldi.