O‘zbekiston Yozuvchilar uyushmasi tomonidan «Do‘rmon» ijod uyida «Respublika yosh ijodkorlarining an’anaviy seminari» bo‘lib o‘tdi. – Abdulla Qodiriy nomidagi Jizzax davlat pedagogika universiteti

Bosh sahifa
Yangiliklar
O‘zbekiston Yozuvchilar uyushmasi tomonidan «Do‘rmon» ijod uyida «Respublika yosh ijodkorlarining an’anaviy seminari» bo‘lib o‘tdi.

Yangiliklar

20/08/2022

Chop etish

O‘zbekiston Yozuvchilar uyushmasi tomonidan «Do‘rmon» ijod uyida «Respublika yosh ijodkorlarining an’anaviy seminari» bo‘lib o‘tdi.

Ushbu seminarda Jizzax davlat pedagogika universiteti talabasi Muqaddas Mamarasulova ham ishtirok etdi. Muqaddas Mamarasulova seminar taassurotlari bilan bo‘lishdi.

Men “Respublika yosh ijodkorlarining an’anaviy seminari “ga «Badiiy tarjima» yo’nalishi bo’yicha Jizzax viloyatidan kelib qatnashdim. Seminarning ikkinchi kuni Adiblar xiyobonida joylashgan so’z mulkining sultoni Alisher Navoiy haykali poyiga gul qo’yish marosimi biz kabi ijodga endi kirib kelayotgan yoshlarga adabiy ruh baxsh etdi. Kunning ikkinchi yarmida ustozlarning so’zga chiqib, o’gitlar va joyi kelganda hazil gaplari seminarning ochilish marosimini yanada ko’tarinki ruhda o’tishiga turtki bo’ldi. Kechga borib esa, she’riyat sho’balarida qaynoq mushoiralar boshlangan bo’lsa, nasr sho’balarida o’ziga xos og’irlik ruhi kezib yurdi. Albatta o’zimning yo’nalishim ya’ni badiiy tarjima haqida gapirmasam bo’lmas.

Bizning bu galgi seminarda yutug’imiz tarixiy bo’lib qoldi deb ayta olamam. Chunki bizning hakamlar hay’ati tarkibida afsonaviy adib, tarjimon, «tanqidchilarning shoiri»(E. Vohidov shunday nom bergan), ustoz Ibrohim G’ofurov bor edi. Yoshlari 84 ga kirganiga qaramasdan, biz yosh ijodkorlarga tengsiz o’git va tavsiyalarini shaxsan yetkazgani kelibdilar. Fikrlarining tiniqligi meni yana bir bor hayron qoldirdi va ustoz uchun xursand bo’ldim. Ular bilan o’zbek adabiyoti qanchalik badiiy tarjimonlarga muhtoj ekanligini, qaysi asarlar navbat kutayotganini, umuman shu sohaning kamchilik va yutuqlari haqida suhbatlashdik. Bizlarni tingladilar, o’zimiz va tarjimalarimiz bilan tanishdilar. Eng quvonarlisi, mening yurtimizda Badiiy Tarjimonlar Uyushmasini ochish fikrimni juda qo’llab-quvvatladilar. Keyingi 3- kun davomida ham qadimiy Do’rmon bog’imizda uchratgan joylarida «Siz shu taklifingiz ortidan qattiq tushing! Badiiy Tarjimonlar Uyushmasini ochish – juda zo’r fikr!» deb qayta-qayta takrorladilar. Bu albatta menga o’zimga bo’lgan ishonchni yanada orttirdi. Nasib bo’lsa, muhtaram prezident bilan yana bir bor uchrashish baxtiga muyassar bo’lsam, ushbu taklifni albatta olib chiqaman va kelajakda bu sohaning rivoji uchun o’z hissamni qo’shishga doim tayyorman!

Seminar menda juda katta taassurot qoldirdi. Kuni kecha seminarning taqdirlash marosimida ishtirok etib ortga qaytdik. Bizga ma’lum bo‘lishicha ushbu Respublika yosh ijodkorlar seminari o‘tkazila boshlanganiga 25 yil to‘ldi. Men ana shunday yubiley sanada ishtirok etganimdan juda mamnunman.

Boshqa rubrikalarda mashhur

Barcha Rubrikalar

Xorijiy va nodavlat OTMlardan o‘qishni ko‘chirish bo‘yicha kasbiy imtihonlar o‘tkazildi.

12-avgust kuni 2025-2026 o‘quv yili uchun xorijiy va nodavlat oliy ta’lim muassasalaridan o‘qishini ko‘chirish istagini bildirgan abituriyentlar uchun kasbiy (ijodiy) imtihonlar o‘tkazildi.

Texnikum bitiruvchilari uchun suhbat asosida oliy ta’limga qabul imtihonlari o‘tkazildi.

12–14-avgust kunlari 2025/2026 o‘quv yilida texnikumlarni muvaffaqiyatli tamomlagan bitiruvchilarni suhbat asosida oliy ta’limga qabul qilish bo‘yicha imtihonlar tashkil etildi.

JDPU xorijiy tillar fakulteti professor-o‘qituvchilari Vengriyaning nufuzli Obuda universitetida malaka oshirishmoqda.

Jizzax davlat pedagogika universiteti Xorijiy tillar fakulteti professor-o‘qituvchilari jahon oliy ta’lim muassasalari reytingida 680-o‘rinni egallagan Vengriya Respublikasining nufuzli ta’lim maskanlaridan biri — Obuda universitetida bo‘lib...