O‘zbekiston Respublikasi Vazirlar Mahkamasining 2026-yil 9-apreldagi «160-son “Intellektual faoliyat natijalarini ragʻbatlantirishning qoʻshimcha chora-tadbirlari toʻgʻrisida»gi qarori ijrosini ta’minlash maqsadida Jizzax davlat pedagogika universitetida intellektual faoliyat yo‘nalishidagi tanlovning viloyat bosqichi tashkil etildi.
Mazkur tanlov ixtirochilar va innovatorlarni qo‘llab-quvvatlash, ularning ilmiy-ijodiy salohiyatini rag‘batlantirish, innovatsion g‘oyalarni ommalashtirish hamda intellektual mulk sohasidagi bilim va ko‘nikmalarni kengaytirishga xizmat qiladi.
Tanlov davomida ishtirokchilar tomonidan taqdim etilgan ishlanmalar hududiy tanlov komissiyasi tomonidan belgilangan mezonlar asosida baholandi. Ishtirokchilarning ilmiy yangiligi, amaliy ahamiyati, innovatsion yondashuvi hamda iqtisodiy samaradorligiga alohida e’tibor qaratildi.
Jizzax davlat pedagogika universitetida o‘tkazilgan mazkur tanlov ilm-fan, innovatsiya va intellektual mulk sohasidagi istiqbolli loyihalarni aniqlash, ularni qo‘llab-quvvatlash hamda respublika bosqichiga tavsiya etish uchun muhim maydon vazifasini o‘taydi.
