Seminarni Jizzax Davlat Pedagogika Universiteti  rektori Shavkat Sharipov  ochib berdi. U o‘z so‘zida tayanch maktabi o‘qituvchi va o‘quvchilarining bilim saviyasi respublikada namuna bo‘ladigan maktab bo‘lishi va shu maqsadga erishish uchun hamkorlikda, hamjihatlikda faqat oldinga intilish kerakligini ta’kidlab o‘tdi.  Seminar-trening jarayonida ishtirokchilarga » PISA» » PIRLSS» «TIMSS» xalqaro   baholash dasturi va ta’lim.uz platformasi haqida ma’lumot berib o‘tildi.

Seminar-trening 5 bosqichdan iborat bo‘ldi. Unda  Ta’lim.uz sohasini rivojlantirishga qaratilgan ilmiy-amaliy anjumanlar haqida ma’lumotlar berildi va prezident nutqlaridan namunalar namoyish etildi. PISA PIRLS TIMSS xalqaro baholash dasturlari asosida savol-javob o‘tkazildi. Zamonaviy mahoratli pedagoglar salohiyatini aniqlash bo‘yicha anketa so‘rovnomasi olindi va tahlil qilindi.

Xorijiy davlatlar, xususan Finlandiya ta’lim tizimi o‘qitish metodikalari bilan ham yaqindan tanishtirib, bir necha misollar keltirib o‘tildi.Ta’lim.uz mavzulashtirilgan elektron platformasi haqida ma’lumotlar berildi va amaliy mashqlar bajarish usullari ko‘rsatib berildi.Qiziqarli bahs-munozaralar, erkin fikrlar ruhida o‘tgan Seminar-treningda barcha ishtirokchilar o‘zlariga  kerakli bilim va malakalarni olishdi desak xato qilmagan bo‘lamiz. Shuningdek,  trening davomida kelgusida hamkorlikda ishlash rejalari ham tuzildi. Maktab va universitet hamkorligida tashkil etiladigan bunday harakatlar ijobiy samara berishi shubhasiz.

Seminarni Boshlang‘ich ta’lim nazariyasi va amaliyoti kafedrasi o‘qituvchisi Sanobar Kenjayeva boshqarib bordi.