Jizzax davlat pedagogika universiteti madaniyat saroyida “Nazm va navo” kechasi bo‘lib o‘tdi.
Jizzax davlat pedagogika universiteti , O‘zbekiston davlat filarmoniyasi Jizzax viloyati bo‘linmasi, O‘zbek milliy maqom san’ati markazi, Jizzax viloyat hududiy bo‘limi hamkorligida tashkil etilgan adabiy-musiqiy kechada So‘z mulkining sultoni – Nizomiddin Mir Alisher Navoiy hamda Zahiriddin Muhammad Boburning g‘azallari asosida yaratilgan maqom qo‘shiqlar kuylandi. Milliy kuylar tinglandi. Buyuk ajdodlarimizning ijodidan ruboiy va muxammaslar ijro etildi.
